Kunnt er hitte sicher nitt!"
- "Wär?" -
"He, dr Nachthejel!"
S'Danti zieht's Händli mit
Und bschlejniget sy Schritt
Und sait quasi näbeby:
"Was hesch gsait? Was soll das sy!
Nai - nadyrlig kunnt er nitt,
Will's das nämlig gar nitt gitt!"
- "Was?" -
"E Nachthejel!"
S'Spätzli stutzt; denn sait's:"Jo, Duuu!
Dä briehlt amme z'nacht uu-huuu!
Aber in sooo scheene Nächt
Mag er amme gar nitt rächt,
Blybt im Dannebaum, trybt Gspass,
Glopft mit andere Zwai e Jass...!"
- "Wär?" -
"He, dr Nachthejel!"
Jetzt sait 's Danti schroff zem Zwuggel
Ergerlig:"He nundebuggel -
Wär gitt Dir soo Bleedsinn a?
Jasse ka doch nur e Ma!"
Hett's in siner Wulle zischt:
"Wär verzapft dir soone Mischt?"
- "He, dr Babbi!" -
He nu...
"Babbi", so froggt zwei Däg speeter,
Wo mer grad bym schwarze Peter
Sitze, unser Durteldybli:
"Isch's e Männli oder e Wybli?"
- "Wär?"
"Unsere Nachthejel!"
Wie-n-y das sott wisse, main-y?
"Aber Babbi!
Aber Babbi!!! :
Wybli jasse doch e kaini!
???
Ah jo.
Nadyrlig!!!