's gitt nüt Schöners uff der Ärde
- zmitts im Bärner Oberland -
Als en stramme Tätler z'wärde
- zmitts im Bärner Oberland -
Meitschi git's wie Milch und Bluet, Schmützle chönnet alli guet
zmitts im Bärner Oberland!
's Vreneli hani kennelehre
- zmitts im Bärner Oberland -
Niemerd het mer's chönne wehre
- zmitts im Bärner Oberland -
Einisch bini voller Plange
Znacht die glatte Wänd uff gange
zmitts im Bärner Oberland!
Under einisch chunnt es Schrybe
Uus em Bärner Oberland:
Hans, y cha elei nümm blybe
zmitts im Bärner Oberland -
Denn Du hesch mi gar lieb gha,
Und jetz merke-n-y's um und a ...
's Vreneli, das isch truurig gsässe
zmitts im Bärner Oberland,
Und het gmeint, y heig's vergässe
zmitts im Bärner Oberland -
Hütt isch's als m'ys Froueli froh
Und es Büebli hei mir o
zmitts im Bärner Oberland -
zmitts im Bärner Oberland!
Eines von sieben Liedern aus:
Lieder aus dem Soldatenstück "Gilberte de Courgenay", 1938.
Text: Rudolph Bolo Mäglin
Musik: Hans Haug
(Das Liederbuch bei swissbib)
Lieder aus dem Soldatenstück Gilberte de Courgenay - Zmitts im Bärner OberlandHier eine Interpretation dieses Liedes aus dem Theaterstück "Gruss an Gilberte" von 1989 (Regie: Jörg Schneider, mit Jörg Schneider, Paul Bühlmann, Sabina Schneebeli u.v.a.).