Wenn y als bi Rägewätter
bim e Trämlihittli stand,
lueg y wie-n-e Häftlimacher,
denn : Me gseht oft allerhand !
Und y gseh halt – Maiddliwade
fir my Läbe gärn, perséh !
He . . . was git ’s denn ebbe Scheeners,
ass : so nätti Bainli z’ gseh !
Dorum han-y au die kurze
lieber ass die lange Regg ;
– ohni dass y drum mecht sage,
dass y mer kai Gränze stegg :
Oft isch ’s Reggli wirgglig z u e kurz,
mängi Wade wird zem Gschpett - - -
Wade sett me halt nur schpienzle,
wenn me wirgglig – Wade het !
Verfasst 10. Januar 1923