Kirzlig isch er Planton gstande,
Und mir händ em zuegluegt gha –
Bletzlig frogt my Binggis : „ Babbi –
Was isch säll dert fir e Ma ?“
„ Dasch Schugger “ – „ Ah, e Schugger !“
Und jetz goht ’s, wie allewyl –
Aagsträngt gsehn y en studiere,
Und denn schiesst er loos uff ’s Zyl :
„ Isch dä au emol so glai gsi
Wien ych hitte ?“ – Y sag : „ Jo “
„ Glai ? Wien ych ???“, teent ’s noonemoole,
Y betoon : „ He sowieso !“
Und jetz schihlt er undenuffe,
Und denn maint my glaine Ma :
„ Was ? So glai . . . und scho-n-e Schugger ?
Mues dä komisch uusgseh ha !“
Bolo
Mitte 40er Jahre, mit und über Sohn Urs.