Mässliedli

D’ Mäss isch do, d’ Mäss isch do –
Ändlig isch si wider ko!
Lang isch ’s gange, gnaau e Johr,
’s kunnt aim no vyl lenger vor,
Und me het schwär miese blange –
Aendlig isch ’s Johr ummegange,
Und jetzt rieft me lutt und froh:
D’ Mäss isch do, d’ Mäss isch do!

Martisturm, Martisturm –
’s het aim dunggt, vo dir lytt ’s Sturm!
So gärn, wie dy Gloggeglyt
Hert me kais vo nooch und wyt;
Denn dy luschtig Bimmele sait:
Jetz het’s mängi Herligkait
Däne in dr Buudestadt –
D’ Mäss isch glatt, d’ Mäss isch glatt!

Buudestadt, Buudestadt –
Vierzäh Dag lang isch ’s jetz glatt!
Rosekiechli, Moggeständ,
Buude, was er numme wänd,
Liechterglanz und Zauberduft –
Schnubberet zimftig in dr Luft,
Denn gar bald wird si vergoh –
D’ Mäss isch do, d’ Mäss isch do!


1. November 1933 in Dr glai Nazi