Fir unser Schwyzerländli, isch Basel „’s goldig Tor “!
Drum wärde mir Matrose, und sinn druff stolz, dasch wohr!
So alt ass unsere Rhy isch, so lang sinn Schiffer do –
Und d’ Liebi zue sym Stom wird keim Jungmatros vegoh!
’s seit jede rächte Babbe
Zem Bueb: Lueg, jede Schlappe,
Wo d’ Talfahrt macht, per Bärgfahrt kunnt,
Isch für is e Erläbnisstund!
In Gleihünige
Am Dreyländerpfohl
Für dä Ecke
Am Dreyländerpfohl
Muesch mächtig Sympatie-e ha!
Do hesch Du dr Duume am Puls vo dr Wält,
Denn d’ Rhyschiffahrt bringt ys vyl Arbet und Gäld –
In Gleihünige
Am Dreyländerpfohl
Do isch ’s jedem Schiffsjunge wohl!
Vo do us gsehsch dr Schwarzwald, d’ Vogese näbezue!
Dört hinde lytt der Jura in syner stille Rueh!
Und zwüsche däne dure füehrt d’ Wasserstross ans Meer
Und bringt de Basler Häfe ihr’ gwaltige Verkehr!
Tuesch zwischedry ain schnappe,
Dänggsch doch: E jede Schlappe,
Wo d’ Talfahrt macht, per Bärgfahrt kunnt,
Isch für is e Erläbnisstund!
In Gleihünige
Am Dreyländerpfohl
Für dä Ecke
Am Dreyländerpfohl
Muesch mächtig Sympatie-e ha!
Do hesch Du dr Duume am Puls vo dr Wält,
Denn d’ Rhyschiffahrt bringt ys vyl Arbet und Gäld –
In Gleihünige
Am Dreyländerpfohl
Do isch ’s jedem Schiffsjunge wohl!
Und schwimme-n-alti Schiffer im Läbesstrom dervo,
So wagse jungi noche – für das sin mir jo do!
Uf die blangt au e Häsli, vilicht sogar no mehr –
Und jede flemmt sy Stumpe und schmeckt e glei nach Teer!
Und seit emol als Babbe:
Lueg Bueb: E jede Schlappe,
Wo d’ Talfahrt macht, per Bärgfahrt kunnt,
Syg für Di e-n-Erläbnisstund!
In Gleihünige
Am Dreyländerpfohl
Für dä Ecke
Am Dreyländerpfohl
Muesch mächtig Sympatie-e ha!
Do hesch Du dr Duume am Puls vo dr Wält,
Denn d’ Rhyschiffahrt bringt ys vyl Arbet und Gäld –
In Gleihünige
Am Dreyländerpfohl
Do isch ’s jedem Schiffsjunge wohl!